Felices festas a todos!

Desexovos dende aquí felices festas a todos e un feliz aninovo. Lembrade os que suspendestes que se farán recuperacións da avaliación en xaneiro (salvo en Cidadanía), así que desfrutade das vacacións, pero intentade repasar tamén os contidos do primeiro trimestre.

Ao resto tamén vos recomendarei unha boa película navideña: "Feliz Navidad". Unha bonita historia de nadal no medio das trincheiras na 1ª Guerra Mundial, moi fácil de ver e cunha mensaxe moi positiva. Podedela ver este mesmo sábado de nadal en VTelevisión, un dos novos canais en aberto da TDT, ás 16:00.

E por último un tema navideño dos Smashing Pumpkins co que me despido de vós ata o 10 de xaneiro. Saúdos!:

Arte gótica

Deixovos as últimas presentacións sobre a arte gótica. A primeira, que vimos na aula, podedes baixala. A segunda só a podedes ver desde internet. O xoves tentaremos vela na aula e repasaremos o resto. Empezade a estudiar para poder plantexar o xov

Día dos Dereitos Humanos

Hoxe conmemorase o aniversario da firma da Declaración Universal dos Dereitos Humanos. Que mellor forma de recordalo que denunciando a situación do actual Premio Nobel da Paz, o chino Liu Xiabo.

Hoxe mesmo entregouse en Oslo o premio, ao cal non puido asistir o homenaxeado, preso polo goberno de Pekín pola súa postura favorable á democratización do país. No momento da entrega, unha cadeira baleira lembraba ao homenaxeado. Aqui tedes a noticia:

Entrega do Nobel

O goberno chino fixo todo o posible por silenciar este acontecemento, tentando que no país non se soubese nada de él. Moito queda aínda por conseguir en materia de Dereitos Humanos, e non só en China...

Arte islámico e arte románico

Deixovos aquí algunas das presentacións que empreguei na aula para explicar o románico e a arte islámica. Lembrade que para o exame entrará os apartados específicios do libro e o apuntado na libreta durante as aulas. Pero pensade que en temas referidos á arte é imposible estudalos só con contidos teóricos, senón que tamén necesitamos fotos, debuxos, etc. que nos axuden a comprendelo. Das presentacións quedadevos só coas cousas que vimos e falamos na clase, xa que nelas atoparedes bastante máis información da que vos vou a pedir.

Arte islá

Día Mundial contra a Sida

Hoxe, 1 de Decembro, conmemórase o día mundial da loita contra esta enfermidade, cousa que se ven facendo dende que a ONU o establecese no ano 1998, vendo que estaba empezando a converterse na pandemia máis grave de finais do século XX. As estadísticas ofrecenos datos arrepiantes.

En África cerca de 8.000 persoas morren infectadas polo sida (fonte: El País)

Nunca ven mal recordar que, a pesares de ser moito máis graves en países subdesenvolvidos, o sida é unha enfermidade da que non se libran países como o noso. Aquí o gran problema non é a falta de medios técnicos ou médicos, senón que é un problema de responsabilidade. Como hoxe mesmo declaraba un médico español no telexornal, "hai moita información, pero pouca concienciación". A pesares de saber que é unha enfermidade de transmisión sexual, moita xente (sobre todo a xuventude) non toma as precaucións necesarias. É dicir, o uso do preservativo, o único método anticonceptivo que pode evitar a transmisión do sida.

Dende aquí recomendovos un filme moi bo de principios dos 90, no que por primeira vez se tratou na gran pantalla o problema do sida nos países occidentais. A película recibiu varios premios, entre eles algún Óscar, e é recordada polo seu claro alegato contra a discriminación e a homofobia.

Ficha en Film Affinity

Por último, deixovos uns videos musicais sobre o tema. Por un lado o clásico de Bruce Springsteen "Streets of Philadelphia", escrito para a película; e por outro lado un tema de Queen "The Show