A 2ª Guerra Mundial en TV

Agora que estamos a piques de chegar a Segunda Guerra Mundial no temario de 4º de ESO, fágovos unha recomendación televisiva que ven moi ben co tema.

Este xoves estrease en Antena 3 unha miniserie de 10 capítulos sobre a 2ª Guerra Mundial chamada "The Pacific". Estas son algunhas das razón polas que, na miña opinión, deberiades de vela:

- Visualmente é espectacular. Nótase que é a serie coa producción máis cara da historia da televisión.

- Foi unha das series máis premiadas da anterior tempada.

- Conta coa colaboración de Tom Hanks e Steven Spielberg, que xa traballaron sobre o tema na oscarizada "Salvar ao soldado Ryan".

- Históricamente é moi fiable. Está narrada dende o punto de vista americano, pero non cae no patriotismo barato de moitas películas.

- Non é un documental nin unha serie solo de batallas. Contase unha bonita historia humana de varios personaxes e como a guerra os deixa profundamente marcados.

- Aparecen moitas cousas que veremos en clase referentes á guerra contra os xaponeses nas illas do Pacífico.

Deixovos un par de trailers para ver si consigo animarvos a vela:



Trailer en Antena 3: pincha aquí

Intermodalidade e novos medios de transporte

Atopei na web un interesante video feito por un estudiante da Universidade de Salamanca na que explica a intermodalidade nos transportes baseandose no exemplo de Singapur. Como vedes as vantaxes que conleva no transporte son importantísimas:




Inclúovos tamén algo de información sobre os sistemas de transporte baseados na levitación magnética, é dicir, que "voan sobre imans":

Tren de levitación magnética

Noticia en publico.es onde fala da investigación xaponesa en trens magnéticos

Máis climogramas

Deixovos varios climogramas para que repasedes para o exame do martes. Algun destes son algo difíciles, pero lembrade que se seguides os pasos que explicamos na clase conseguiredes acertalos. Un deles é o de Ourense, que como comprobaredes é difícil de clasificar, xa que podemos ter dúbidas sobre se é un oceánico ou un mediterráneo.

Intentade facelo e se podedes poñede as respostas neste mesmo artigo e vos direi se están ben. Se queredes velos máis grandes pinchade neles. Ahi van:

Climograma 1:

Climograma 2:

Climograma 3:

Climograma 4:

E lembrade que neste artigo explicovos como acceder á web para ver o climograma da cidade do mundo que vos elixades:

Web dos climogramas

Repaso Renacemento

Aqui vos deixo algo de material para repasar o último tema de sociais.

Pinchando na seguinte foto podedes acceder a unha visita virtual á Capela Sixtina a través da web do Vaticano. Podedes ver ao detalle as pinturas de Miguel Anxo con explicacións de cada unha:

No seguinte enlace tamén podedes acceder a unha actividade online de repaso sobre o tema:

Cuestionario online

E por último aquí tedes un interesante video no que explica brevemente a importancia da perspectiva no Renacemento:

Climogramas do mundo

Na seguinte web podedes obter moita información sobre o tema dos climas e incluso podedes observar climogramas de tódalas rexións do mundo. De feito, é de aquí de onde saquei os datos do climograma que estades a elaborar na casa. Se tedes dúbidas á hora de interpretalo sempre podedes comparar o climograma que vós fixestes con algún outro que apareza aquí, para así poder averiguar de que tipo se trata.

Explicovos un pouco como funciona a web. Se pinchades no seguinte enlace levaravos a unha pantalla onde podedes elexir o país, a cidade e dándolle ao botón "ver climodiagrama" vos ensinará todos os datos desa cidade tal como aparece nas fotos:

web dos climogramas

Aquí vedes a pantalla onde seleccionades o lugar.

E aquí tedes a pantalla onde tedes toda a información e o climograma do lugar.

O enlace que hai máis arriba leva aos climogramas europeos, pero se queredes seleccionar outro continente só tedes que pinchar onde vos indico na seguinte foto:

Aquí tamén podedes acceder a un pequeno xogo sobre as zonas climáticas do mundo:

Xogo climas do mundo

E lembrade que se tedes calquera dúbida da actividade do climograma estes días, podedes preguntarma deixando un comentario neste mismo artigo.